მიუხედავად თქვენს მიერ პროვიდერის არჩევანისა, მონაცემების უსაფრთხოდ შენახვა ქლაუდზე საჭიროებს გაზიარების აღიარებული პარამეტრების რეალიზაციას და პერსონალის ტრენინგს, რათა მას ესმოდეს, თუ როგორ და როდის გააზიაროს (და არ გააზიაროს) საქაღალდეები და დოკუმენტები. ზოგადად, თქვენს ქლაუდ-საცავში უნდა გააკეთოთ საქაღალდეები, რაც ზღუდავს წვდომას მხოლოდ პერსონალით, რომელსაც ის ესაჭიროება კონკრეტულ ფაილებზე წვდომისათვის. რეგულარულად შეამოწმეთ თქვენი სისტემა, რათა დარწუმნდეთ, რომ „ზედმეტად“ არ აზიარებთ რომელიმე ფაილს (როგორიცაა უნივერსალური ბმულის გაზიარების ჩართვა ფაილებისათვის, რომლებიც ნაცვლად ამისა შეზღუდული უნდა იყოს მხოლოდ რამდენიმე ადამიანით).
რა ხდება, თუ არ ვენდობით Google-ს ან Microsoft-ს ან ქლაუდ-საცავის სხვა პროვაიდერებს?
თუ რომელიმე თქვენს მეტოქეს (მაგალითად, უცხოური ან ადგილობრივი მთავრობა) შეუძლია კანონიერად აიძულოს Google-ი ან Microsoft-ი (ან ქლაუდ-საცავის რომელიმე სხვა პროვაოდერი) გადასცეს მონაცემები, მაშინ შესაძლოა აზრს მოკლებული იყოს მათი მონაცემების საცავად არჩევა. ხსენებული რისკი შესაძლოა უფრო მაღალი იყოს, თუ თქვენი მეტოქე, მაგალითად, შეერთებული შტატების მთავრობაა, თუმცა, გაცილებით დაბალია, თუ თქვენი მეტოქე ავტორიტარული რეჟიმია. გახსოვდეთ, რომ როგორც Google-ს, ისე Microsoft-ს გააჩნია პოლიტიკა მონაცემების მხოლოდ მაშინ გადაცემის შესახებ, როცა ასე მოქცევა კანონით ევალება და აღიარებს, რომ თქვენი ორგანიზაცია შესაძლოა თავად იყოს მოწყვლადი თქვენი საკუთარი მთავრობის იგივე ხასიათის კანონიერი მოთხოვნების მიმართ, თუ ახდენს მონაცემების ჰოსტინგს ადგილობრივად.
სიტუაციებში, როცა Google-ის ან Microsoft-ის ქლაუდ-საცავი აზრსაა მოკლებული თქვენი ორგანიზაციისათვის, გასათვალისწინებელი ალტერნატივაა Keybase-ი. Keybase-ის ფუნქცია „teams”-ი საშუალებას აძლევს თქვენს ორგანიზაციას გააზიაროს ფაილები და შეტყობინებების აბონენტური დაშიფვრის გამოყენებით უსაფრთხო ქლაუდ-გარემოში მესამე მხარის პროვაიდერის ნდობის გარეშე. შედეგად, ის შესაძლოა დოკუმენტების და ფაილების ორგანიზაციაში უსაფრთხოდ შენახვის კარგი ოფცია იყოს. თუმცა, Keybase-ი ნაკლებად ცნობილია მომხმარებლის უმრავლესობისათვის, ამდენად, იცოდეთ, რომ ხსენებული ინსტრუმენტის მიღება სავარაუდოდ მეტ ტრენინგს და ძალისხმევას მოითხოვს, ვიდრე სხვა ზემოხსენებული გადაწყვეტები.
ამგვარად, თუ გადაწყვეტთ იმოქმედოთ დამოუკიდებლად და არ გამოიყენოთ ქლაუდ-საცავი, მნიშვნელოვანია, რომ დააბანდოთ დრო და რესურსები თქვენი მოწყობილობების ციფრული დაცვის გაძლიერებაში და უზნრუნველყოთ ყველა ადგილობრივი სერვერის მართებულად კონფიგურაცია, დაშიფვრა და ფიზიკური უსაფრთხოება. შეგიძლიათ ეკონომია გააკეთოთ ყოველთვიური გამოწერის საფასურზე, თუმცა, ეს თქვენს ორგანიზაციას პერსონალის დროდ და რესურსებად, ასევე, შეტევებისადმი მეტ მოწყვლადობად დაუჯდება.
მონაცემების დუბლირება
მიუხედავად იმისა ინახავს თუ არა თქვენი ორგანიზაცია მონაცემებს ფიზიკურ მოწყობილებებში თუ ქლაუდზე, მნიშვნელოვანია სარეზერვო ასლის ფლობა. გახსოვდეთ, რომ თუ ენდობით შენახვას ფიზიკურ მოწყობილობაში, საკმაოდ მარტივია თქვენს მონაცემებზე წვდომის დაკარგვა. შესაძლოა ყავა დაგექცეთ თქვენს კომპიუტერზე და გაანადგუროთ მყარი დისკი. პერსონალის კომპიუტერებზე შესაძლოა მოხდეს ჰაკერული შეტევა და ყველა ადგილობრივ ფაილი შესაძლოა ბლოკირებული იქნას გამომძალველი პროგრამით. ვინმემ შესაძლოა დაკარგოს მოწყობილობა მატარებელში ან ის შესაძლოა მოიპარონ მის პორტფელთან ერთად. ზემოხსენებულის თანახმად, ესაა კიდევ ერთი მიზეზი იმისა, თუ რატომ შესაძლოა იყოს სასარგებლო ქლაუდ-საცავის გამოყენება, რადგან ის არაა დაკავშირებული კონკრეტულ მოწყობილობასთან, რომელიც შესაძლოა დავირუსდეს, დაიკარგოს ან მოიპარონ. Macs-ს გააჩნია რეზერვის შექმნის საკუთარი პროგრამული უზრუნველყოფა Time Machine-ი, რომელიც გამოიყენება გარე საცავ მოწყობილობასთან ერთად; Windows-ის მოწყობილობებისათვის, File History-ი გთავაზობთ მსგავს ფუნქციონალს. iPhone-ებს და Android-ებს შეუძლია ავტომატურად შექმნას უმნიშვნელოვანესი კონტენტის ასლი ქლაუდზე, თუ ის ჩართულია თქვენი ტელეფონის პარამეტრებიდან.
თუ თქვენი ორგანიზაცია იყენებს ქლაუდ-საცავს (როგორიცაა Google Drive-ი), Google-ის წაშლის ან თქვენი მონაცემების ავარიული განადგურების რისკი საკმაოდ დაბალია, თუმცა, ადამიანური შეცდომა (როგორიცაა მნიშვნელოვანი ფაილების შემთხვევით წაშლა) მაინც შესაძლებელია. შესაძლოა ღირებული იყოს Backupify-ის ან SpinOne Backup-ის მსგავსი ქლაუდ-რეზერვის გადაწყვეტების შესწავლა.
თუ მონაცემები ინახება ადგილობრივ სერვერზე და/ან ადგილობრივ მოწყობილობებში, უსაფრთხო რეზერვი კიდევ უფრო მნიშვნელოვანი ხდება. შეგიძლიათ მოახდინოთ თქვენი ორგანიზაციის მონაცემების სარეზერვო ასლის შექმნა გარე მყარ დისკზე, თუმცა, აუცილებლად დაშიფრეთ ხსენებული მყარი დისკი ძლიერი პაროლით. Time Machine-ს შეუძლია დაშიფროს თქვენი მყარი დისკები ან თქვენ შეგიძლიათ გამოიყენოთ დაშიფვრის სანდო ინსტრუმენტები მთელი მყარი დისკისთვის, როგორიცაა VeraCrypt-ი ან BitLocker-ი. აუცილებლად შეინახეთ ნებისმიერი სარეზერვო მოწყობილობები სხვა მოწყობილობებისაგან და ფაილებისაგან განცალკევებულ ადგილზე. გახსოვდეთ, რომ ხანძარი ანადგურებს როგორც თქვენს კომპიუტერებს, ისე მათი სარეზერვო საშუალებებს, რომლებიც საერთოდ არ დაგირეზერვებიათ. დაფიქრდით ასლის მაქსიმალურად უსაფრთხო ადგილას შენახვაზე, როგორიცაა სეიფის სადეპოზიტო ყუთი.
შენიშვნა: თუ იყენებთ ქლაუდ-პროვაიდერს ქვეყანაში, სადაც მოქმედებს მონაცემთა ლოკალიზაციის სპეციალური კანონმდებლობა, მიიღეთ იურისტების კონსულტაცია, რათა უკეთ გესმოდეთ როგორ შეიძლება ქლაუდ-საცავის გამოყენება აკმაყოფილებდეს ნებისმიერ ადგილობრივ მოთხოვნას. მაგალითად, ქლაუდ-საცავის არაერთი პროვაიდერი, მათ შორის, Google-ი და Microsoft-ი, დღეისათვის გთავაზობთ ფუნქციებს, რომლებიც სთავაზობს ზოგიერთ მომხმარებელს აირჩიოს ქლაუდზე მისი მონაცემების გეოგრაფიული მდებარეობა.
