სამწუხაროდ, ფიზიკური თავდასხმები სამოქალაქო საზოგადოებრივ ორგანიზაციებზე არაა იშვიათი და ხშირად მნიშვნელოვანი ზეგავლენა აქვს როგორც ფიზიკური, ისე ინფორმაციული უსაფრთხოების თვალსაზრისით. მეტოქეების მიერ გამოყენებული ერთი საერთო ტაქტიკა CSO-ების საქმიანობის ჩასახშობად მოიცავს ოფისებში შეჭრას და დახურვას - პერსონალის როგორც დაშინებას, ისე, ზოგიერთ შემთხვევაში, ინფორმაციის და ტექნიკური აღჭურვილობის ქურდობას ან კონფისკაციას. ხსენებული საფრთხეები ხშირად მიმართულია უმცირესობების და ადამიანის უფლებების დამცველი ჯგუფების და დემოკრატიის და მმართველობის სივრცეში მომუშავე CSO-ების წინააღმდეგ. მაგალითად, LGBT+ Rights Ghana (სამოქალაქო ორგანიზაცია, რომელმაც 2021 წ. დასაწყისში ქვეყანაში გახსნა პირველი საზოგადოებრივი ცენტრი LGBTQI+ საზოგადოებისათვის) ოფისებში მიიღეს დაწვის მუქარა, საბოლოოდ კი მათ პოლიცია დაესხა თავს და დახურა ისინი. ამგვარი თავდასხმები მოქმედებს არა მხოლოდ ორგანიზაციის ფიზიკურ ოპერაციებზე, არამედ შესაძლოა დაუკარგოს პერსონალს უსაფრთხოების გრძნობაც.